I dette nummeret skriv Jonas Bals om fascistisk propaganda før og no, frå Henry Ford sin The Dearborn Independent til nye nettsamfunn, fotografen Aude Osnowycz har møtt georgisk ungdom som står i opposisjon til russisk påverknad, Vidar Ystad har skrive om den femti år lange kampen reindriftssamane på Fosen har stått i mot den norske staten, og Vemund N. Knudsen har intervjua Gunnhild Øyehaug som fyller femti.Håvard Klyve Parr har dykka etter fotomateriale om snuoperasjonen av Alexander L. Kielland-plattforma i 1980, Trygve Martinussen har prøvd å finne ut kva han skal gjere med den rikhaldige bokhylla etter bror sin, og Ingvild Kleiveland Vevle skriv om å spele dotter si inn i folkemusikktradisjonen. Kjerstin Gjengedal prøver å finne ut om det digitale skiftet er berekraftig.