Den brasilianske filosofen Ailton Krenaks bok Urtida framtid: Hälsningar till floderna publiceras 2026 på nordsamiska. Översättning: Anne Wuolab och Elna Sara.

Skábmamánu 26.beaivvi 2026 álmmuhuvvo brasilalaš filosofa Ailtok Krenak girji EAMIÁLGGU BOAHTTEVAŠ ÁIGI: DEARVVUOĐAT EANUIDE sámegillii. Jorgaleaddjit leaba Anne Wuolab ja Elna Sara.

Eanaspáppa šattuidčoakkáldat, elliidčoakkáldat, mearat, várit ja eanut gillájit veahkaválddálaš ávkkástallama antropocenáiggis. Dat lea áigodat goas olmmoš áitá planehta biologalaš valljivuođa ja boahtteáiggiset. Ailton Krenak lea čálli ja filosofa ja gullá Brasila krenak eamiálbmogii. 1980 logu rájes lea son jođašan Amazonasis ja guldalan eamiálbmogiid ja sin eallinfilosofiija gulahallat luondduin. 

Su maŋemus girjjis Eamiálggu boahttevaš áigi čállá son eanuid birra mat guhka leat fallehemiid gillán ja mat leat golgagoahtán eatnan vuolde vai birgejit.

Eanut eai gávdno loaktima dihte. Sii leat ealli ovttadagat mat čatnet oktii min vássán áiggi dálá áigái. Várit, vuovddit ja eanut govahallet eará eallinvuogi planehtas. Eanuid golggiideamit leat konflueanssat, ja lea govvan dasa mo rávnnjit sáhttet gávnnadit dovdogullevaš lihttun. Lea áigi guldalit eanuid jienaide, lohká Ailton Krenak.

Ailton Krenak (r. 1953) lea okta dain eanemus dovddus jurddašeaddjin Brasilas. Su aktivisma dagahii ahte jagi 1988 oaččui riikka vuođđoláhkii kapitála eamiálbmogiid eananvuoigatvuođaid birra. Dat suddjii mávssolaš Amazonas ekovuogádagaid sisabahkkemiidda, vaikko áitagat ain čuožžilit.  Su sivilisašuvdnamoaitta cuiggoda áigodahkii mii čađat hoahpuha áiggi. Molssaeaktu livčče ontologalaš jorgaleapmi mas lea áibbas eará oaidnu olbmui ja su luonddu sajádahkii. Deaivvadeami dáidu čájeha geainnu dovdogullevaš lihtuide, máŋggabealatvuhtii ja vuovdáiduvvamii.

Ovdasánit: Jamille Pinheiro Dias ja Alex Brostoff bokte 

Loahppasánit: Rita Carelli bokte

Jorgaleapmi: Elna Sara ja Anne Wuolab bokte 

Olggošgovva ja illustrašuvnnat: Ulla M Gabrielsson

Titel: Eamiálggu boahttevaš áigi: Dearvvuođat eanuide
ISBN: 9789198960983
Bandtyp: Inbunden
Språk: Nordsamiska